ប្រដាប់បន្តពូជ
ប្រដាប់បន្តពូជបុរស និងនារី មានលក្ខណៈខុសគ្នា និងមានតួនាទីខុសគ្នាដែរ។ ១. ប្រដាប់បន្តពូជបុរសរួមមាន៖ - លឹង្គ - ពងស្វាស - បំពង់មេជីវិត - ថង់ទឹកកាម - ទឹកកាម (អាចហៀរចេញមកក្រៅពេលពេញវ័យហៅថាសុបិន្តសើម) ២. ប្រដាប់បន្តពូជនារីរួមមាន៖ - យោនី - ស្បូន - ដៃស្បូន - អូវ៉ែ - មេជីវិតញី (ជ្រុះធ្លាក់ ១ខែម្តងចាប់ពីពេលពេញវ័យរហូតដល់អស់រដូវ) - ដោះ (សម្រាប់ផលិតទឹកដោះ ពេលមានផៃ្ទពោះ និងពេលបំបៅដោះកូន)
៣. របៀបថែទាំ ឬអនាម័យប្រដាប់ភេទ - បុរសត្រូវដុះលាងលឹង្គឲ្យបានស្អាតជានិច្ច ជាពិសេសត្រូវដុសសម្អាតផ្នែកខាងចុងលឹង្គ។ - ស្ត្រីត្រូវសម្អាតទ្វារមាសឲ្យបានស្អាតល្អ។ ក្នុងពេលមានរដូវស្ត្រីគួរណាស់សម្អាតប្រដាប់ភេទយ៉ាងហោចណាស់ឲ្យបាន ២ដងក្នុងមួយថ្ងៃ។ ប្រើសំឡីអនាម័យ ឬកំណាត់សំពតស្អាត រួចបោកគកកំណាត់សំពតនោះជាមួយសាប៊ូ ហើយហាលថ្ងៃឲ្យស្ងួត ព្រោះកំដៅថ្ងៃអាចសម្លាប់មេរោគបាន។ ប្រសិនបើប្អូនធ្វើការកន្លែងសើម (ដូចជានៅ វាលស្រែ) ចូរប្អូនដុសលាងខ្លួនឲ្យបានច្រើនដងក្នុងមួយថ្ងៃ។ ស្ត្រីគួរជៀសវាងការហែលទឹកត្រពាំង ឬទន្លេ ដែលមានទឹកកខ្វក់នៅពេលកំពុងមានរដូវ។ ស្ត្រីគួរជូត ឬលាងសម្អាតគូថពីមុខទៅក្រោយ (ពីទ្វារមាសទៅរន្ធគូថ) បន្ទាប់ពីបន្ទោរបង់រួច។ ការជូតសម្អាតត្រូវប្រើក្រដាស់ទន់ស្អាត។ ជាការប្រសើរគួរតែប្រើទឹកស្អាត សម្រាប់លាងសម្អាត។ ៤. ការពិតមួយចំនួនគួរដឹង
ការលាងសម្អាតប្រដាប់បន្តពូជ ជាការចាំបាច់សម្រាប់យុវវ័យគ្រប់រូប។ សកម្មភាពនេះគួរធ្វើជាប្រចាំពិសេសនៅចុងលឹង្គសម្រាប់បុរស។ លើសពីនេះចំពោះយុវនារីគួរពិនិត្យដោយខ្លួនឯងនូវបម្រែបម្រួលប្រព័ន្ធបន្តពូជ។ ក្នុងលក្ខណៈខុសប្រក្រតី ត្រូវប្រាប់អ្នកដែលទុកចិត្តដូចជា ម្តាយ និងអ្នកគ្រូ ព្រមទាំងទៅពិគ្រោះយោបល់ជាមួយគ្រូពេទ្យឯកទេស។
មតិយោបល់