១. ប្រធានកម្មវិធីសុខភាព (Project Manager) យុវវ័យចំនួន ០១ រូប ទីតាំង ក្រុងភ្នំពេញ

២. មន្ត្រីកម្មវិធីយុវវ័យថ្នាក់ខេត្ត (Provinical Project Officer) ចំនួន ០១ រូប ទីតាំងនៅខេត្តកំពត

អង្គការថែទាំសុខភាពគ្រួសារកម្ពុជា (រ៉ាក់) គឺជាអង្គការមិនមែនរដ្ឋាភិបាលដែលធ្វើការលើផ្នែកសុខភាពផ្លូវភេទ សុខភាពបន្តពូជ និង សិទ្ធិ។ អង្គការរ៉ាក់បានបង្កើតឡើងនៅឆ្នាំ ១៩៩៦ ជាមួយនឹងការប្ដេជ្ញាចិត្តខ្ពស់ក្នុងការនាំយកសេវាសុខភាពដែលមានគុណភាពជូនប្រជាជន ។ កម្មវិធីសុខភាពយុវវ័យរបស់អង្គការរ៉ាក់ បាននិងកំពុងធ្វើការយ៉ាងសកម្មក្នុងខេត្តកំពត ខេត្តសៀមរាប និង ខេត្តបាត់ដំបង ក្នុងការលើកកម្ពស់សុខភាពតាមរយៈ (១)ការអប់រំលើរឿងភេទគ្រប់ជ្រុងជ្រោយនៅក្នុងសាលារៀន, (២) ផ្សព្វផ្សាយចំណេះដឹងអំពីសុខភាពផ្លូវភេទ សុខភាពបន្តពូជ និង សិទ្ធិ ទៅកាន់យុវវ័យក្រៅសាលា និង សិស្សនិស្សិតសាកលវិទ្យាល័យ។

ភារកិច្ច និង ការទទួលខុសត្រូវរបស់ប្រធានកម្មវិធីសុខភាពយុវវ័យ៖

• រៀបចំផែនការយុទ្ធសាស្ត្រ និង សកម្មភាពសំខាន់ៗ

• ធានាគុណភាពក្នុងការរៀបចំ និង អនុវត្តសកម្មភាពកម្មវិធីសុខភាពយុវវ័យ

• សម្របសម្រួលជាមួយភាគីពាក់ព័ន្ធទាំងថ្នាក់ជាតិ និង ថ្នាក់ក្រោមជាតិ

• ផ្ដល់ការគាំទ្រផ្នែកបច្ចេកទេស និង​ រដ្ឋបាលដល់បុគ្គលិក និង ដៃគូរ

• ដឹកនាំការរៀបចំផែនការការងារ និង ថវិកា

• តាមដានការអនុវត្តផែនការការងារ និង ថវិកា

• សរសេររបាយការណ៏កម្មវិធី

• គ្រប់គ្រងបុគ្គលិកកម្មវិធី។

បេក្ខជនប្រធានកម្មវីធីត្រូវមានគុណវឌ្ឍន៍ដូចខាងក្រោម

• មានសញ្ញាបត្របរិញ្ញាបត្រ ផ្នែកសុខាភិបាលសាធារណៈ ឬ វិទ្យាសាស្ត្រសង្គម ឬ ជំនាញពាក់ព័ន្ធ

• មានបទពិសោធន៍គ្រប់គ្រងគម្រោងសហគមន៍យ៉ាងតិច ៤ ឆ្នាំ ជាពិសេសពាក់ព័ន្ធគម្រោងសុខភាពផ្លូវភេទ និងបន្តពូជ

• មានបទពិសោធន៍ក្នុងការតាមដាន និង វាយតម្លៃគម្រោង

• មានចំណេះដឹងអំពីការរៀបចំ និង គ្រប់គ្រងថវិកា

• អាចនិយាយ អាន ស្ដាប់ និង​សរសេរភាសាខ្មែរ និង អង់គ្លេសបាន

• មានជំនាញសរសេររបាយការណ៍ជាភាសាខ្មែរ និង អង់គ្លេស

• គោរពសិទ្ធិសុខភាពផ្លូវភេទ និង សុខភាពបន្តពូជ

• មានជំនាញប្រើប្រាស់កុំព្យូទ័រ MS. Word Excel Power Point Internet Email ។

ភារកិច្ច និង ការទទួលខុសត្រូវរបស់មន្ត្រីកម្មវិធីយុវវ័យថ្នាក់ខេត្ត

• អនុវត្តគម្រោងនៅថ្នាក់ខេត្ត ក្រោមការគ្រប់គ្រងរបស់ប្រធានគម្រោង

• សម្របសម្រួលកម្មវិធី/គម្រោងនៅថ្នាក់ខេត្ត ជាមួយភាគីពាក់ព័ន្ធ និង ដៃគូរ

• រៀបចំផែនការការងារ និង ថវិកាការងារថ្នាក់ខេត្ត

• តាមដាន និង គ្រប់គ្រងការអនុវត្តគម្រោងថ្នាក់ខេត្ត

• រៀបចំរបាយការណ៍។

បេក្ខជនមន្ត្រីកម្មវិធីយុវវ័យថ្នាក់ខេត្តត្រូវមានគុណវឌ្ឍន៍ដូចខាងក្រោម៖

• មានបរិញ្ញាបត្រ ផ្នែកសុខាភិបាលសាធារណៈ ឬ វិទ្យាសាស្ត្រសង្គម ឬ ជំនាញពាក់ព័ន្ធ

• មានបទពិសោធន៍គ្រប់គ្រងគម្រោងនិងធ្វើការងារក្នុងសហគមន៍យ៉ាងតិច ២ ឆ្នាំ

• មានចំណេះដឹងក្នុងវិស័យសុខភាពផ្លូវភេទ និង សុខភាពបន្តពូជសម្រាប់យុវវ័យ និង ជនងាយរងគ្រោះ

• ស្គាល់ភូមិសាស្រ្តខេត្តកំពត

• អាចអាននិងយល់ជាភាសាអង់គ្លេស និងអាច​សរសេរភាសាខ្មែរបានច្បាស់

• គោរពសិទ្ធិសុខភាពផ្លូវភេទ និង សុខភាពបន្តពូជ

• អាចប្រើប្រាស់កុំព្យូទ័រ MS. Word Excel Power Point Internet Email ។

របៀបដាក់ពាក្យ

សូមផ្ញើរ ប្រវត្តិរូប និង លិខិតសុំដាក់បម្រើការងារ ដោយសរសេរតួនាទីដែលចង់បម្រើការឲ្យបានច្បាស់ និងផ្ញើលិខិតមកកាន់អាសយដ្ឋាន៖ ផ្ទះលេខ១៣៨ ផ្លូវ ២០០៩ សង្កាត់ទឹកថ្លា ខណ្ឌសែនសុខ រាជធានីភ្នំពេញ ឬ តាមរយៈអ៊ីម៉ែល៖ hr@rhac.org.kh។ សម្រាប់ព័ត៌មានបន្ថែមអាចទំនាក់ទំនងតាមរយៈលេខទូរសព្ទ៖ ០២៣​ ៨៨២ ០៤៦។ ព័ត៌មានលំអិតអំពី RHAC អាចរកបានតាមគេហទំព័រ www.rhac.org.khឬទំព័របណ្ដាញសង្គម RHAC Social Page ។ ឈប់ទទួលពាក្យបន្ទាប់ពីថ្ងៃទី១៨ ខែមិថុនា ឆ្នាំ ២០២៦។

ការងារផ្សេងៗទៀត👇

https://shorturl.at/8Fdcp

https://shorturl.at/TQim8

https://shorturl.at/QrJvv

https://shorturl.at/54HiJ