Rhac Organization

អង្គការថែទាំសុខភាពគ្រួសារកម្ពុជា (រ៉ាក់) បានធ្វើការលើវិស័យសុខភាពស្ត្រី និងសុខភាពបន្តពូជ និងផ្លូវភេទ ចាប់តាំងពីឆ្នាំ ១៩៩៦ មក។ យើងធ្វើការជាមួយក្មេងជំទង់ ស្ត្រីនៅតាមជនបទ អ្នកធ្វើការនៅផ្នែកសេវាកម្សាន្ត និងក្រុមងាយរងគ្រោះផ្សេងៗទៀត។ យើងបានអនុវត្តការងាររបស់យើងនៅក្នុងខេត្តចំនួន ១៩ ក្នុងចំណោមខេត្តទាំង ២៥ របស់កម្ពុជា ដោយធ្វើការយ៉ាងជិតស្និទ្ធជាមួយក្រសួងពាក់ព័ន្ធ និងដៃគូអភិវឌ្ឍន៍។ បច្ចុប្បន្ន អង្គការរ៉ាក់ ត្រូវការបុគ្គលិកជនជាតិខ្មែរ ដើម្បីបំពេញតំណែងទំនេរ អ្នកអប់រំសុខភាពសហគមន៍ (CHE) សម្រាប់គម្រោង "បង្កើនការគ្របដណ្តប់ការប្រើប្រាស់សេវារំលូតប្រកបដោយសុវត្ថិភាពដោយប្រើឱសថ" នៅខេត្តរតនគីរី និងស្ទឹងត្រែង។

ភារកិច្ច និងការទទួលខុសត្រូវរបស់អ្នកអប់រំសុខភាពសហគមន៍៖

រៀបចំផែនការសកម្មភាពប្រចាំសប្តាហ៍
ចុះតាមដានការងាររបស់ក្រុមទ្រទ្រង់សុខភាពភូមិ (VHSGs) ក្នុងការធ្វើការអប់រំក្រុមនៅក្នុងភូមិ។
ចុះតាមដានការងាររបស់ឆ្មបមណ្ឌលសុខភាព ក្នុងការធ្វើការអប់រំសុខភាពដល់ស្ត្រីនៅក្នុងភូមិដាច់ស្រយាល។
ទូរស័ព្ទទៅអ្នកចូលរួមវគ្គអប់រំដោយ VHSGs ដើម្បីផ្ទៀងផ្ទាត់មើលភាពត្រឹមត្រូវនៃទិន្នន័យរាយការណ៍របស់ VHSGs។
ប្រមូលរបាយការណ៍អប់រំប្រចាំខែរបស់ VHSG និងបញ្ចូលរបាយការណ៍ប្រចាំខែរបស់គាត់ទៅក្នុងប្រព័ន្ធមូលដ្ឋានទិន្នន័យរ៉ាក់។

លក្ខណៈសម្បត្តិ និងបទពិសោធន៍ដែលត្រូវការ៖

មានសញ្ញាប័ត្រ បរិញ្ញាបត្រ (Bachelor’s degree) ផ្នែកវិទ្យាសាស្ត្រសង្គម ឬ ជំនាញប្រហាក់ប្រហែល។
មានបទពិសោធន៍យ៉ាងតិច មួយ (០១) ឆ្នាំ ក្នុងការអនុវត្តកម្មវិធីសុខភាពសហគមន៍។
មានសមត្ថភាពក្នុងការបង្កើត និងរក្សាទំនាក់ទំនងការងារប្រកបដោយប្រសិទ្ធភាពជាមួយអាជ្ញាធរថ្នាក់ខេត្ត ថ្នាក់ស្រុក និងឃុំ។
មានសមត្ថភាពក្នុងការទំនាក់ទំនងប្រកបដោយប្រសិទ្ធភាព ទាំងការនិយាយ និងការសរសេរ គឺជាកត្តាចាំបាច់។
មានជំនាញទំនាក់ទំនងផ្ទាល់ខ្លួន (Interpersonal skills) ល្អបំផុត និងសមត្ថភាពធ្វើការជាក្រុម ក៏ត្រូវបានទាមទារផងដែរ។
មានជំនាញប្រើប្រាស់កុំព្យូទ័រ៖ កម្មវិធី Word (អាចវាយអក្សរខ្មែរ), Excel, PowerPoint, Internet និង Email។

បេក្ខជន/បេក្ខនារីដែលមានចំណាប់អារម្មណ៍ សូមផ្ញើប្រវត្តិរូបសង្ខេប (CV) និងលិខិតបង្ហាញអំពីចំណាប់អារម្មណ៍ (Cover Letter) ដោយបញ្ជាក់ពីតំណែងខាងលើ មកកាន់ការិយាល័យអង្គការរ៉ាក់ តាមរយៈអាសយដ្ឋាន៖ ផ្ទះលេខ ១៣៨ ផ្លូវ ២០០៩ សង្កាត់ទឹកថ្លា ខណ្ឌសែនសុខ រាជធានីភ្នំពេញ ឬតាមរយៈអ៊ីមែល hr@rhac.org.kh។

សម្រាប់ព័ត៌មានបន្ថែមអំពីអង្គការរ៉ាក់ សូមចូលទៅកាន់គេហទំព័រwww.rhac.org.kh និងទំព័របណ្តាញសង្គមហ្វេសប៊ុករបស់អង្គការរ៉ាក់ (RHAC Social Page)។ កាលបរិច្ឆេទឈប់ទទួលពាក្យ គឺនៅថ្ងៃទី ៣១ ខែកក្កដា ឆ្នាំ ២០២៦។

ការងារផ្សេងៗទៀត👇

ដំណឹងជ្រើសរើសបុគ្គលិក៖ ២ ដំណែង https://shorturl.at/puOkO