ទំហំលិង្គមានភាពខុសគ្នាយ៉ាងដូចម្តេចខ្លះ?
ទំហំលិង្គមានភាពខុសគ្នាយ៉ាងខ្លាំងរវាងមនុស្សម្នាក់ៗ។ វាជារឿងធម្មតាទេដែល ពេលខ្លះអ្នកប្រៀបធៀបលិង្គរបស់ខ្លួនជាមួយអ្នកដទៃ។ ប្រហែលជាអ្នកកំពុងឆ្ងល់ថា តើលិង្គរបស់អ្នកធំល្មម ដើម្បីរួមភេទបានល្អ ឬអត់? ចម្លើយនោះគឺ ទំហំលិង្គរបស់អ្នកមែនមែនជាអ្នកកំណត់ ភាពសុខស្រួល នៃការរួមភេទរបស់អ្នកនឹងដៃគូ នោះទេ។ ភាពរីករាយ និងការពេញចិត្តរបស់អ្នក និងដៃគូរបស់អ្នក អាស្រ័យទៅលើរបៀបដែលអ្នករួមភេទ អ្វីដែលអ្នក និងដៃគូអ្នកចូលចិត្ត។
តើលិង្គជាធម្មតាមានទំហំប៉ុនណា?
លិង្គមានទំហំខុសៗគ្នារវាងមនុស្សម្នាក់ៗ ជាពិសេសប្រសិនបើអ្នកប្រៀបធៀបលិង្គក្នុងស្ថានភាពធម្មតា (មិនទាន់ឡើងរឹង)។ ប៉ុន្តែភាពខុសគ្នានៃទំហំនេះជាទូទៅនឹងរួមតូចជាងមុន ប្រសិនបើអ្នកប្រៀបធៀបលិង្គក្នុងស្ថានភាពឡើងរឹង។
សម្រាប់មនុស្សមួយចំនួន ទំហំលិង្គមិនសូវប្រែប្រួលខ្លាំងឡើយនៅពេលវាឡើងរឹង។ ចំណែកឯមនុស្សមួយចំនួនទៀត លិង្គអាចនឹងរីកធំជាងមុនខ្លាំងនៅពេលឡើងរឹង ជាពិសេសចំពោះលិង្គដែលមានទំហំតូចនៅពេលធម្មតា។
លិង្គលូតលាស់ក្នុងអំឡុងពេលអ្នកពេញវ័យ។ ជាធម្មតាវាបានលូតលាស់យ៉ាងច្បាស់នៅពេលអ្នកមានអាយុប្រហែល 18-20 ឆ្នាំ ប៉ុន្តែរយៈពេលដែលអ្នកស្ថិតក្នុងភាពពេញវ័យ អាចស្ថិតក្នុងអាយុខុសៗគ្នាពីមនុស្សម្នាក់ទៅមនុស្សម្នាក់ទៀត។
លិង្គមធ្យមមានប្រវែងប៉ុនណា?
ប្រវែងជាមធ្យមនៃលិង្គដែលបានលូតលាស់ពេញលេញច្បាស់លាស់ គឺចន្លោះពី ៧-៩ សង់ទីម៉ែត្រ នៅពេលដែលវាទន់ និង ១៣-១៦សង់ទីម៉ែត្រនៅពេលរឹង។ ប៉ុន្តែវាមានភាពខុសគ្នារវាងមនុស្សម្នាក់ៗ ហើយមនុស្សជាច្រើនក៏អាចមានលិង្គធំជាង ឬតូចជាងកម្រិតមធ្យមនេះដែរ។
តើលិង្គទំហំមធ្យមមានកម្រាស់ (ទំហំជុំវិញ) ប៉ុនណា?
កម្រាស់ គឺជារង្វាស់ទំហំជុំវិញ (បរិមាត្រ) នៃលិង្គ។ លិង្គខ្លះ មានទំហំធំខ្លាំងនៅគល់ តែស្តួចតូចនៅខាងចុង។ លិង្គខ្លះទៀតមានគល់លិង្គតូច ប៉ុន្តែក្បាលលិង្គធំវិញ។ នៅពេលដែលវាឈប់លូតលាស់ លិង្គភាគច្រើនជាធម្មតាមានបរិមាត្រចន្លោះពី ៦-១០ សង់ទីម៉ែត្រនៅពេលវាទន់ និង៨-១២ សង់ទីម៉ែត្រនៅពេលរឹង។
តើអ្នកតែងតែប្រៀបធៀបលិង្គរបស់អ្នកជាមួយអ្នកដទៃទេ?
មនុស្សមួយចំនួនគិតថា ប្រសិនបើលិង្គរបស់ពួកគេធំជាងនេះបន្តិច គឺល្អណាស់។ ប៉ុន្តែលិង្គមើលទៅខុសគ្នា។ ពួកវាមានរាង និងទំហំខុសៗគ្នា ដូចជាផ្នែកផ្សេងទៀតនៃរាងកាយរបស់យើងដែរ។
វាជារឿងធម្មតាទេក្នុងការប្រៀបធៀបខ្លួនអ្នកជាមួយអ្នកដទៃ ឧទាហរណ៍នៅក្នុងបន្ទប់ផ្លាស់សម្លៀកបំពាក់ ឬចូលបន្ទប់ទឹក។ ប៉ុន្តែបន្ទាប់មកអ្នកឃើញលិង្គរបស់អ្នកពីខាងលើ និងលិង្គរបស់អ្នកដទៃពីខាងមុខ ឬពីចំហៀង អ្នកអាចមើលទៅលិង្គរបស់អ្នកដទៃជាងខ្លួន។ តែនៅអាចមកពីអ្នកមើលក្នុងរូបភាពនៃមុំផ្សេងៗដែលនាំឱ្យឃើញហាក់ដូចជាធំ ឬតូចជាងរបស់ខ្លួនឯង។ មួយវិញទៀត លិង្គនៅក្នុងរូបភាព និងវីដេអូអាចមើលទៅធំជាងក្នុងជីវិតពិត។ ឧទាហរណ៍ វាអាចអាស្រ័យលើមុំកាមេរ៉ា ការថតជិតៗ ឬពីទិសដែលលិង្គត្រូវបានថត។ នៅក្នុងខ្សែភាពយន្ត ជាធម្មតាតារាសម្តែង តែងមានលិង្គធំខុសពីធម្មតា។
ទំហំលិង្គមិនកំណត់ថាតើការរួមភេទនឹងមានភាពត្រេកត្រអាលនោះទេ!
ទំហំលិង្គរបស់អ្នកមិនកំណត់ថា តើវានឹងមានផាសុកភាពប៉ុណ្ណាសម្រាប់អ្នក ឬដៃគូរួមភេទរបស់អ្នកនោះទេ។ រឿងសំខាន់គឺថាអ្នករួមភេទតាមរបៀបដែលមានអារម្មណ៍ល្អចំពោះអ្នក។
វាអាចទៅរួចក្នុងការរួមភេទតាមវិធីជាច្រើន ហើយវិធីដែលមានអារម្មណ៍ល្អនោះ អាចខុសគ្នាពីមនុស្សម្នាក់ទៅមនុស្សម្នាក់។ វាក៏អាចខុសគ្នាពីមួយពេលទៅមួយពេល និងផ្លាស់ប្តូរតាមពេលវេលាផងដែរ។ រឿងសំខាន់បំផុតនោះគឺថា មានការយល់ព្រម ដូច្នេះអ្នក និងដៃគូគឺចង់ធ្វើដូចគ្នា។ ការរួមភេទជាធម្មតាកាន់តែប្រសើរ ប្រសិនបើអ្នកអាចនិយាយគ្នាអំពីអ្វីដែលអ្នកចូលចិត្ត និងអ្វីដែលអ្នកមិនចូលចិត្ត។
មតិយោបល់