ប្រធានបទ៖ ភាពរសើបនៃ លិង្គ និងពងស្វាស
លិង្គ និងពងស្វាសទាំងមូលមានរំញោចខ្លាំង។ វាអាចមានភាពស្រើបស្រាលនៅពេលដែលនរណាម្នាក់ប៉ះលិង្គ ឬពងស្វាសរបស់អ្នក ឬក៏អ្នកប៉ះលិង្គរបស់អ្នកដទៃវិញ។ ចំណុចរសើបបំផុតគឺក្បាលលិង្គ ជាពិសេសនៅលើហ្វ្រាំង និងផ្នែកខាងក្រោមនៃក្បាលលិង្គ។
នៅពេលដែលអ្នកមានអារម្មណ៍ស្រើបស្រាលផ្លូវភេទ មានទឹករំអិលពីបង្ហួរនោមដែលធ្វើឱ្យលិង្គមានសំណើម និងរអិល។ សារធាតុទាំងនេះជាជំនួយពីធម្មជាតិក្នុងការធ្វើឱ្យកាន់តែមានផាសុកភាពក្នុងការប៉ះ។ ចំពោះអ្នកខ្លះ មានទឹកកាមច្រើន ហើយចំពោះអ្នកផ្សេងទៀត អាចមានតិចតួចណាស់ ដែលស្ទើរតែមិនអាចកត់សម្គាល់បាន។ ប្រសិនបើអ្នកចង់ធ្វើឱ្យវាកាន់តែរអិល អ្នកអាចប្រើទឹកមាត់ ឬទឹករំអិលជំនួយបន្ថែមបាន។
មនុស្សជាច្រើនមានចំណុចកំពូលនៅពេលដែលលិង្គត្រូវបានប៉ះ ឬត្រដុស ឧទាហរណ៍ដោយដៃ មាត់ ឬប្រដាប់ផ្លូវភេទសប្បនិមិត្ត។ វាក៏មានអារម្មណ៍ល្អនៅពេលដែលប្រើលិង្គរួមភេទក្នុងយោនី ឬរន្ធគូថ។
ដូចគ្នាទៅនឹងលិង្គដែរ ទ្វារមាសទាំងមូលមានរំញោចខ្លាំងនៅពេលដែលមានការប៉ះពាល់។ វាអាចធ្វើឱ្យអ្នកមានអារម្មណ៍ផ្លូវភេទ ប្រសិនបើនរណាម្នាក់ប៉ះអ្នកនៅទីនោះ។ នៅពេលដែលអ្នកមានអារម្មណ៍ផ្លូវភេទ សំណើមមកពីទ្វារមាស ដែលហៅថា ទឹករំអិល នឹងចេញមក។ វានឹងធ្វើឱ្យសិរមានភាពរអិល ដែលរឹតតែធ្វើឱ្យអ្នកមានអារម្មណ៍រឹតតែល្អ។ ប្រសិនបើអ្នកចង់ធ្វើឱ្យវារអិលជាងមុន អ្នកអាចប្រើទឹកមាត់ ឬទឹករំអិលបន្ថែមបាន។
ចុងសិរ គឺជាផ្នែកតែមួយគត់នៃឆ្តេញទាំងមូល ដែលលេចចេញក្រៅ ដែលអាចមើលឃើញនៅខាងក្រៅរាងកាយបាន។ ចុងសិរគឺជាផ្នែកដែលមានរំញោចខ្ពស់បំផុត ។ វាស្ថិតនៅពីលើបង្ហួរនោម ដែលជាកន្លែងផ្គុំគ្នានៃបបូរតូច។ មនុស្សជាច្រើនឈានដល់ចំណុចកំពូលដោយសារការប៉ះ ឬត្រដុសនៅទីនោះ ឧទាហរណ៍ដោយដៃ មាត់ ឬប្រដាប់ផ្លូវភេទសប្បនិមិត្ត។
ឆ្តេញក៏មានផ្នែកផ្សេងទៀតដែលស្ថិតនៅក្នុងរាងកាយផងដែរ។ ការស្ទាបអង្អែល និងប៉ះរន្ធទ្វារមាស និងបបូរតូចធំ អាចធ្វើឱ្យវាមានអារម្មណ៍ល្អទៅដល់ផ្នែកខាងក្នុងនៃឆ្តេញផងដែរ។ ផ្នែកខាងក្នុងនៃឆ្តេញក៏អាចប៉ះបានដែរ ប្រសិនបើម្រាមដៃ លិង្គ ឬប្រដាប់ភេទសប្បនិមិត្តត្រូវបានស៊កបញ្ចូលទៅក្នុងទ្វារមាស។
អានអត្ថបទបន្ថែមស្តីពី តើវាមានអារម្មណ៍ថាស្រគៀរឬទេ?
តើវាមានអារម្មណ៍ថាស្រគៀរឬទេ?
ទាំងក្បាលលិង្គ និងសិរ មានសរសៃ ប្រសាទដែលមានភាពរំញោចខ្លាំងនៅពេលប៉ះ។ ប្រសិនបើវាមានអារម្មណ៍ស្រគៀរ នៅពេលដែលមានការស្ទាបអង្អែលដោយផ្ទាល់នៅទីនោះពេក អ្នកអាចសាកល្បង៖
ទាញស្បែកគ្របក្បាលលិង្គមកគ្របលើក្បាលលិង្គ (ប្រសិនបើលិង្គមានស្បែកគ្របក្បាលលិង្គ)។ ប្រសិនបើលិង្គត្រូវបានកាត់ស្បែក អ្នកអាចប្រើទឹករំអិល ឬទឹកមាត់បន្ថែមមុនស្ទាបអង្អែល ឬថើប ឬលិឍ ជុំវិញសិរជំនួសឱ្យការស្ទាបអង្អែល ឬថើបផ្នែកផ្សេងទៀតនៃរាងកាយដោយផ្ទាល់ក៏បាន។
អានអត្ថបទបន្ថែមស្តីពី តើអ្នកគួររួមភេទខ្លាំងប៉ុណ្ណា?
តើអ្នកគួររួមភេទខ្លាំងប៉ុណ្ណា?
អ្នកខ្លះចូលចិត្តឱ្យគេស្ទាបអង្អែលថ្នមៗ និងយឺតៗ អ្នកខ្លះទៀតលឿន និងខ្លាំងៗ។ របៀបដែលអ្នកចង់បានក៏អាចផ្លាស់ប្តូរពីមួយពេលទៅមួយពេល
ដែរ។ ការរួមភេទជាមួយអ្វីមួយនៅក្នុងទ្វារមាស ឬរន្ធគូថអាចមានអារម្មណ៍ខុសគ្នាសម្រាប់មនុស្សផ្សេងៗគ្នា។
ទោះជាយ៉ាងណា អ្នកគួរចាប់ផ្តើមយឺតៗ និងដោយទន់ភ្លន់ សូមសាកល្បង! វានឹងរឹតតែប្រសើរជាងមុន នៅពេលដែលមានការសួរនាំថាតើវាតិចពេក ឬខ្លាំងពេកនោះ!
សំនួរចម្លើយអំពីលិង្គ និងពងស្វាស៖
១. របៀបវាស់លិង្គ និងរបៀបជ្រើសរើសស្រោមអនាម័យ?
ការវាស់លិង្គ គឺធ្វើឡើងនៅពេលដែលលិង្គរបស់អ្នកឡើងរឹង៖
វាស់ផ្នែកខាងលើពីគល់លិង្គដល់ផ្នែកខាងលើនៃក្បាលលិង្គ ដើម្បីស្វែងរកប្រវែង។
ដាក់ខ្សែវាស់ជុំវិញផ្នែកនៃលិង្គដែលក្រាស់បំផុត ដើម្បីស្វែងរកបរិមាត្រ។
ជ្រើសរើសស្រោមអនាម័យដែលសមនឹងបរិមាត្ររបស់អ្នក។
២. តើអ្នកអាចបង្រួមលិង្គបានទេ?
ទេ វាមិនអាចទៅរួចទេក្នុងការធ្វើឱ្យលិង្គតូចជាងមុននោះ។
៣. តើលិង្គអាចធំជាងនេះដោយប្រើថ្នាំ ឬក្រែមបានទេ? ទេ! ថ្នាំ និងក្រែមមិនអាចធ្វើឱ្យលិង្គធំជាងនេះបានទេ។ ដូចគ្នានេះដែរចំពោះការម៉ាស្សា ការទាញលាតសន្ធឹង និងវិធីសាស្រ្តស្រដៀងគ្នាក៏មិនអាចដែរ។ វាជាការបោកប្រាស់ ដើម្បីលក់ផលិតផលដោយក្រុមហ៊ុនក្លែងក្លាយដែលចង់រកលុយតែប៉ុណ្ណោះ។ វិធីសាស្រ្តទាំងនេះមិនត្រូវបានពិនិត្យ តាមបែបវិទ្យាសាស្ត្រទេ។ ដូច្នេះ យើងមិនអាចដឹងថាតើវា នឹងមានគ្រោះថ្នាក់ ឬភាពអវិជ្ជមានណាមួយកើតឡើង មកលើយើងនោះទេក្រោយ ពេលដែលប្រើប្រាស់ ប្រភេទថ្នាំ ឬក្រែមទាំងនោះ។
៤. តើអ្នកអាចទទួលបានលិង្គធំជាងនេះដោយប្រើស្នប់លិង្គបានទេ?
ទេ! ស្នប់លិង្គមិនធ្វើឱ្យលិង្គធំជាងនេះទេ។ ប៉ុន្តែវាអាចបង្កើនបរិមាណឈាមនៅក្នុងលិង្គ ដូច្នេះអ្នកទទួលបានការឡើងរឹងខ្លាំងរបស់លិង្គ។ បន្ទាប់មកលិង្គអាចកើនឡើងទំហំរហូតដល់វាទន់វិញ។
ទោះជាយ៉ាងណា ការសប់ខ្លាំងពេកអាចបណ្តាលឱ្យសរសៃឈាមនៅក្នុងលិង្គបែក ដែលបណ្តាលឱ្យមានស្នាមជាំ។ អ្នកក៏អាចពិបាកក្នុងការឡើងរឹងរបស់លិង្គនាពេលអនាគត ប្រសិនបើអ្នកប្រើស្នប់ញឹកញាប់ពេក ឬយូរពេក។
តើអ្នកអាចពង្រីកលិង្គដោយមានជំនួយពីការវះកាត់បានទេ?
វាអាចប្រហែលជាវិធីមួយ។ គេវះកាត់ដោយប្រើឧបករណ៍ដើម្បីទាញពន្លាឬសនៃលិង្គដែលស្ថិតក្នុងរាងកាយ បន្ទាប់មកផ្នែកនៃលិង្គលេចចេញមកក្រៅបន្ថែមបន្តិច ពោលគឺផ្នែកមួយដែលមើលមិនឃើញពីមុន។ ការវះកាត់បែបនេះអាចធ្វើឱ្យលិង្គមើលទៅវែងជាងនៅពេលដែលវាទន់ ប៉ុន្តែវាស្ទើរតែមិនមានភាពខុសគ្នានៅក្នុងការឡើងរឹងរបស់លិង្គនោះឡើយ។ ផលវិបាកនៃការវះកាត់ គឺអាចធ្វើឱ្យវាកាន់តែពិបាកក្នុងការឡើងរឹងរបស់លិង្គ និងរួមភេទ។
តើអ្នកអាចទទួលបានលិង្គធំជាងមុនពីការចាក់ខ្លាញ់បានទេ?
បាទ/ចាស៎! ប៉ុន្តែគ្រាន់តែបណ្តោះអាសន្នប៉ុណ្ណោះ។ គ្រូពេទ្យវះកាត់កែសម្ផស្សអាចយកខ្លាញ់ចេញផ្នែកផ្សេងៗនៃរាងកាយ ដូចជាចេញពីពោះ (ជាឧទាហរណ៍មួយ) ហើយចាក់វានៅក្រោមស្បែកលិង្គ។ បន្ទាប់មកលិង្គកាន់តែធំ ប៉ុន្តែប្រសិទ្ធភាពនឹងបាត់ទៅវិញបន្ទាប់ពីមួយរយៈក្រោយ។ ទោះជាយ៉ាងណា ដុំខ្លាញ់ទាំងនោះក៏អាចករនៅជុំវិញលិង្គក្រោយពីការចាក់។ ហើយអ្នកនឹងត្រូវការការវះកាត់ ដើម្បីយកវាចេញវិញនៅថ្ងៃអនាគត។
ប្រសិនបើអ្នកកំពុងពិចារណា ឬព្រួយបារម្ភអំពីទំហំលិង្គរបស់អ្នក
តើអ្នកគិតថាលិង្គរបស់អ្នកតូចពេក ឬធំពេកទេ? ឬតើអ្នកមានអារម្មណ៍មិនល្អដោយសារតែអ្នកប្រៀបធៀបខ្លួនឯងទៅនឹងអ្នកដទៃ?
អ្នកអាចទាក់ទងមក គ្លីនិករ៉ាក់ ឬមណ្ឌលសុខភាព ដើម្បីទទួលបានការប្រឹក្សាយោបល់ និងព័ត៌មានត្រឹមត្រូវ។ អ្នកជំនាញសុខភាពនៅទីនោះមានបទពិសោធន៍ក្នុងការផ្តល់ការគាំទ្រដល់យុវជន អំពីបញ្ហាដែលពាក់ព័ន្ធនឹងរាងកាយ សុខភាពផ្លូវភេទ និងសុខភាពបន្តពូជ។ សម្រាប់ពួកគេ គ្មានសំណួរណាដែលគួរឱ្យខ្មាសអៀន ឬចម្លែកនោះទេ។
សូមកុំប្រើប្រាស់ ឬសាកល្បងវិធីសាស្ត្រណាមួយដើម្បីបង្កើនទំហំលិង្គដោយខ្លួនឯង ដោយមិនបានពិគ្រោះជាមួយអ្នកជំនាញសុខភាពជាមុន។ វិធីសាស្ត្រមួយចំនួនអាចបង្កឱ្យមានគ្រោះថ្នាក់ ឬផលប៉ះពាល់ដល់សុខភាព។ ការពិគ្រោះជាមួយអ្នកជំនាញសុខភាព គឺជាជម្រើសដែលមានសុវត្ថិភាព និងអាចជួយឱ្យអ្នកទទួលបានព័ត៌មានត្រឹមត្រូវ។
មតិយោបល់